Sariq rang psixologiyasi
Sariq kuchli va yorqin rang bo’lganligi uchun ham, ehtimol, u shunday ta’sirchan tuyg’ular uyg’ota oladi. Sariq e’tiborni tezda o’ziga jalb etadi, biroq uning haddan ziyod ishlatilishi g’ashni keltirishi mumkin. Bu rang haroratli va yorqin bo’lib ko’rinishi bilan birga ko’zlarning toliqishiga sabab bo’lishi mumkin.
Rang psixologiyasi soha mutaxassislarining aytishicha, ma’lum bir ranglar ma’lum bir kayfiyatlarni uyg’ota oladi va hattoki xulq-atvor va salomatlikka ta’sir ko’rsatishi mumkin. Rang bilan bog’liq assosatsiyalar bir qancha omillar, jumladan o’tmish tajribalari va madaniy assotsatsiyalar ta’siri ostida bo’lishiga qaramasdan, ba’zi ranglar ma’lum kayfiyat va tuyg’ularni uyg’ota oladi.
“Sariq rang qanchalar ajoyib-a. U-quyoshning ramzi”- Vinsent Van Gogh
Sariq rang uyg’otuvchi ba’zi emotsiyalar va kayfiyatlar haqida yanada ko’proq bilib oling.
Sariq rangning psixologik xususiyatlari
E’tiborni jalb etuvchi
Ko’zga yaqin rang bo’lganligidan bu rang e’tiborni tezda o’ziga jalb etadi. Kam miqdordagi sariq rangdan e’tiborni oshirish maqsadida, misol uchun yo’l belgilari va reklamalarda ishlatilishi mumkin.
O’qish uchun qiyin
O’zidan yuqori darajadagi yoru’g’likni qaytarish xususiyatiga egaligi sababli sariq rang ko’zni o’ta toliqtiruvchi rang hisoblanadi. Sariq rangdan qog’oz yoki kompyuterning orqa foni maqsadida foydalanish ko’z toliqishiga yoki bundan ham yomoni - ko’rish qobiliyatining yomonlashishiga olib kelishi mumkin.
Kuch-quvvat: Sariq rang metabolizmni tezlashtirishi mumkin.
Frustratsiya
Sariq rang shuningdek frustratsiya va jahl hissiyotlarini uyg’ota oladi. U tetiklantiruvchi rang sifatida sanalishiga qaramasdan, sariq rangli xonalarda odamlarning jahli chiqishi ehtimolligi yuqori va bunday rangdagi xonalarda go’daklarlar ko’proq yig’lashga moyil bo’lishadi.
Haroratli: Sariq shod-xurramlik va iliqlik baxsh etuvchi yorqin rang hisoblanadi.
Sariq rang sizda qanday hissiyotlarni uyg’otadi? Bu rangni ma’lum sifat yoki vaziyatlarga bog’laysizmi? O’tmish tajribalari hamda madaniy tafovutlar kishilarning turli ranglar borasidagi hissiyot va bu ranglarga munosabatini shakllantirishda muhim ahamiyat kasb etishi mumkin.
